Anára ja Ohcejoga stáhta guovlluid meahccebearráigeahču ovddasvástádus gullá dás duohko meahccedárkkisteaddji Sami Kovalaisii. Son álggahii virggis go guhkesáigásaš meahccedárkkisteaddji Jari Liimatainen bázii ealáhahkii borgemánus. 

Kovalainen lea bargan bolesis ja Rádjebearráigeahčus oktiibuot golbma logijagi. Dasa lassin son lea bargan mearreáigásaš
meahccedárkkisteaddjin Meahciráđđehusas ja meahccebivdo- ja guolástusbearráigeahččin.  

– Guovlu lea viiddis ja doallá sisttis máŋggalágán suodjalanguovlluid – bargonoađđi lea sihkkarit nohkka, Sami Kovalainen dadjá.  

Meahciráđđehusas leat 11 fásta meahccedárkkisteaddji, geaid ovddasvástádussan lea meahccebearráigeahčču iežaset doaibmaguovlluin. Dasa lassin leat guokte mearraággásaš, prošeavttaide bálkáhuvvon meahccedárkkisteaddji. Meahccebearráigeahččobargojoavkku jođiha meahccebearráigeahččohoavda Henri Pelkonen.

Meahccedárkkisteddjiin leat veardásaš rievttit go bolesis meahccebearráigeahččobargguin. Sii bearráigehččet meahccebivddu, guolástusa, meahccejohtalusa ja earáid luonddus johttiid stáhta guovlluin. Meahccebearráigeahčču dárkkista jahkásaččat measta 10 000 luonddus johtti.

Meahccebearráigeahču almmustuhttojuvvo meahccebearráigeahču jahkeraporta, man sáhttá lohkat Eräluvat.fi-bálvalusas (suomagillii).