Meahciráđđehus nanne Soađegilis lean Soabbada luonddumeahci ortnetnjuolggadusa. Ortnetnjuolggadussii lea čohkken luonddusuodjalanláhkii ja eará láhkaásaheapmái vuođđuduvvan rávvagiid ja mearrádusaid doaimmain mat luonddumeahcis leat lobálaččat ja gildojuvvon.
Meahciráđđehus lea gárvvistan luonddusuodjalanlága (9/2023) 58 §:a čuvvon ortnetnjuolggadusa Soabbada luonddumeahccái. Ortnetnjuolggadusevttohus leamašan cealkámušjorrosis dán jagi álggus. Meahciráđđehus guorahalai cealkámušaid fuolalaččat ja dagai daid vuođul muhtun dárkilmahtiimiid ortnetnjuolggadussii.
Soabbada luonddumeahcci lea vuođđuduvvon 21.12.1956 fápmui boahtán lágain (634/1956) luonddu seailluheamis guoskatmeahttumin ja dieđalaš dutkama dárbbuide. Ortnetnjuolggadusain leat ráddjen lihkadeami ja gohttema luonddumeahcis. Láhkaásaheamis leat addojuvvon báikkálaččaide eará olbmuid viiddit rivttiid, mat leat maiddái girjejuvvon ortnetnjuolggadussii. Guovlu lea boazodollui eandalii oaivvilduvvon guovllus, nuba boazodoallu ja dasa gullevaš lihkadeapmi guovllus lea lobálaš.
Meahciráđđehusa Luonddubálvalusaid luonddubálvalushoavda lea nannen ortnetnjuolggadusa 15.11.2024.
Nannenmearrádussii duhtameahttun sáhttá ohcat dasa nuppástusa go váidá Davvi-Suoma hálddahusduopmostullui girjjálaš váidagiin 27.12.2024 rádjai.